تغييرات جديده...... New changes

بمناسبه السنه الجديده, اللي ان شاء الله حتكون سعيده, انا حابه اغير حاجات كده.

اولا قبل اي حاجه انا عيزه اعمل اهداء, الاهداء ده لاتنين حبايبي هما اللي من غير مايعرفو دخلو فكره اني اكتب بالعربي في دماغي.

الاتنين دول هما "بسنت" البنت دي شخصيه كرتونيه ظريفه وجميله. و "ميكي" اخويا و حبيب قلبي. هما دايما لما بتحصل معاهم مواقف ظريفه او لا, بيعبروا عنها باسلوب جميل و خفيف. طبعا الطريقه المصريه في التعبير عن المواقف معروفه واد ايه خفيفه وحلوه. ففكرت اني احاول اقوي كتابتي و تعبيري بالعربي بالطريقه دي لان انا بحب اكتب. فامايضرش لما اكتب بالعربي every once in a while! 

المهم بقى ان انا الحمد لله عملت شوبنج جنان الكام يوم اللي فاتو. ولاني رحت مع ماما وبروح معاها في كل مكان, موضوع اني حاسبها واسافر قريب ده بيصعب عليا اكتر و اكتر. خايفه اعيط المرادي, عشان انا عارفه انها حتكون اصعب من اي مره! واللي هيصعبه اكتر كمان, لما اشوف دموع ماما. 

انا قد الخطوة الكبيره والقرار اللي انا اخدته, وماما كمان واثقه في نجاحي و قراراتي, بس الفراق صعب بذات واحنا الاتنين زي التوأم بالظبط بنعمل كل حاجه مع بعض. 

مش عيزه اكتب كتير في الموضوع ده عشان قلبي مايتوجعش اكتر.

السنه الجديده حتبتدي كمان كام ساعه- ان شاء الله. كتبت كام هدف عايزه احققه السنه دي. بس بفكر ان لازم كل شهر, اسبوع, او حتى يوم نجدد اهدفنا وافكارنا و كل حاجه. اصل بصراحه انا و اكيد في ناس كتيره لما بتشوف ان عندها وقت كبير كفايه لتحقيق حاجات, بتكسل في عملها اول باول! ف دا مابيفدش باي حاجه و بيعطل المخ و يوقف الابتكار والابداع والتجديد!

اول حاجه فكرت فيها دلوقتي بعد اللي كتبته, هما كتبي.. من صيف 2014 وانا قرايتي بطيئه مقارنه ببدايه السنه! هو بصراحه ضغط الشغل خلاني مش حابه اعمل حاجه, بس انا قررت اني مهما كان, هاحاول اقرأ بشكل منتظم عشان القرايه بتساعدني على التفكير والتركيز و بتجدد الافكار بشكل كبير في دماغي.

مش حطول عليكوا. بس مني لكل الناس اللي قرت البوست ده: كل سنه وانتو طيبين و يا رب تكون سنه حلوه خفيفه سعيده عليكوا. بس طلب, ماتأجلوش اي حاجه نفسكو تعملوها او كلام نفسكو تقولوه. 

---------------------------------------------------------------------------------------------

Dear readers, 

Tonight marks the beginning of a new year, and I was and still am inspired by two lovely people. "Passant" and "Micky" these two always share situations they go through in Arabic. Being amused and inspired by the magic of Egyptian Arabic language when it comes to ways pf expressions, I've decided that I actually do want to write and express my thoughts here in my blog in Arabic. It's a breath of fresh air to change the norm, every once in a while.

And again, since the New Year is starting in few hours, I'm asking you dear readers to not pause or put off any idea or goal you want to achieve, or even words you want to say/write. Don't stop doing crazy spontaneous things, because these are the things that make us feel alive and happy. 

Take a big leap of faith. You will be surprised by the changes that are going to happen in your mind, heart, body and soul..

I am thankful and grateful.

Till next year, HAPPY NEW YEAR